Video
Read full review
2020-11-20
104 views
我哋去咗銅鑼灣食雞，成枱全部都係雞！！！任食炸雞同Pizza就$128(+10%)，如果想食埋小食同焗雞就$148(+10%)。我哋就全都要！一嚟到店員就問我哋要唔要試咗Pizza先，今日有四個味！佢哋係薄底嘅，但係都好足料，Pizza上面嘅醬汁都好香。我最鍾意嘅係瑪嘉麗塔皇后薄餅，個名都勁過人！一set細細塊唔怕食滯～至於炸雞，我哋係試晒全部嘅。一想你覺得每舊炸雞都好大舊好震撼，一夠大就可以分成兩三舊！印象最深刻係我第一個食嘅四川麻辣味，食咗一啖之後成條脷都麻晒、眼淚都飆出嚟，鍾意食辣嘅朋友記得要試吓，好似我咁渣嘅就唔好試啦！食原味有種去咗韓國嘅感覺。另外都要推介一下濃蒜炸雞、黃金鹹蛋炸雞同埋檸檬柚子炸雞。佢地啲醬汁做得好好，如果想濃味啲就可以點多啲～其實我中意焗雞多啲，應該一開始焗雞就試咗蜜糖蒜香味、韓風紫菜味同埋雙重芝士味。蜜糖味可以貼蜜糖，想要幾多就幾多！雙重芝士好香，食落甜甜地好特別。韓風紫菜就有啲紫菜係面，俾原味多一個口感。小食我哋都試咗五個，特別推介蜜糖牛油粟米同埋牛油炒雜菌。可能係我偏心牛油味，兩個都好香牛油味，食落牛油炒雜菌就濃味啲！食完炸雞食下啲蔬果我即刻覺得自己健
任食炸雞同Pizza就$128(+10%)，如果想食埋小食同焗雞就$148(+10%)。我哋就全都要！一嚟到店員就問我哋要唔要試咗Pizza先，今日有四個味！佢哋係薄底嘅，但係都好足料，Pizza上面嘅醬汁都好香。我最鍾意嘅係瑪嘉麗塔皇后薄餅，個名都勁過人！一set細細塊唔怕食滯～
至於炸雞，我哋係試晒全部嘅。一想你覺得每舊炸雞都好大舊好震撼，一夠大就可以分成兩三舊！印象最深刻係我第一個食嘅四川麻辣味，食咗一啖之後成條脷都麻晒、眼淚都飆出嚟，鍾意食辣嘅朋友記得要試吓，好似我咁渣嘅就唔好試啦！食原味有種去咗韓國嘅感覺。另外都要推介一下濃蒜炸雞、黃金鹹蛋炸雞同埋檸檬柚子炸雞。佢地啲醬汁做得好好，如果想濃味啲就可以點多啲～
其實我中意焗雞多啲，應該一開始焗雞就試咗蜜糖蒜香味、韓風紫菜味同埋雙重芝士味。蜜糖味可以貼蜜糖，想要幾多就幾多！雙重芝士好香，食落甜甜地好特別。韓風紫菜就有啲紫菜係面，俾原味多一個口感。
小食我哋都試咗五個，特別推介蜜糖牛油粟米同埋牛油炒雜菌。可能係我偏心牛油味，兩個都好香牛油味，食落牛油炒雜菌就濃味啲！食完炸雞食下啲蔬果我即刻覺得自己健康返！
Post
