滾喜火鍋專門店 (Closed)

同太太都好耐沒有出去旺角行街順便食飯，路過見到一間專食麻辣雞同芝士雞煲，諗唔到食咩，之後入去試下，坐位闊落又勁多卡位，坐得舒服。到最後選了升級任食高級安格斯，打邊爐又可以任食安格斯、黑豚肉、牛舌等。雖然飲品唔算多選擇，但可以飲飽食醉。【麻辣雞煲-BB辣】雞煲用上雞脾肉來做，肉質鮮嫩又有彈性，麻辣煲精髓在於辛香料，薑、蒜和洋蔥等，這隻是用乾炒方法來煮，雞肉已經夠入味，加上麻辣香味又夠惹味，正。【安格斯牛】油花紋平均，牛味突出，滾十秒左右就得了，入口帶點軟淋又有咬口。【西班牙黑豚肉+澳洲牛舌】黑豚肉口感柔嫩，一咬落肉汁香甜四溢，來做火鍋係最好。牛舌真係第一次來打邊爐，薄切牛舌，滾完之後都非常嫩滑，卻帶有濃濃牛味。【水餃+雲吞】水餃比想像中出色，內裡勁多料，尤其是木耳絲，爽口鮮甜。雲吞不算好大粒，但內裡勁多蝦肉，爽口又有彈性。【海蝦+鱔片】新鮮海蝦色澤偏紅，體形適中，雖然不算大隻，味道很鮮，肉質又夠彈性。【竹蔗茅根】打邊爐最好既飲品除了啤酒之外，就係竹蔗茅根，清熱潤燥、生津解渴，又不算太甜。