熊本牛鍋 (永勝商業中心)

Open Now

Now Closed

要食到好食同埋有質素嘅牛涮鍋並唔容易，依間位於山林道的熊本牛刷鍋就可以話大件夾抵食，同埋呢度有唔同款式嘅牛肉套餐可以選擇，包括嚴選美國牛肩胛套餐、美國頂級牛小排套餐同日本直送極上A4黑毛和牛套餐。諗起都流晒口水，食到靚野而且價格上面完全唔算貴！尤其是黑毛和牛，入口即溶嘅感覺令我非常難忘。入到你覺得地方好寬敞，四個人亦都唔會坐得好迫夾，佢樓底夠高，食火鍋唔會覺得好焗又熱。出邊有唔同嘅嘢食可以自由選擇，我數過大大話話有大約40款嘅配菜。最令我難忘竟然有日式咖喱炸雞配埋白飯！等緊火鍋滾嘅時候，不妨可以先食一碗飯打底。湯底方面可以自由配搭，每加一款湯底就加$15，我同朋友叫咗蘿蔔豚骨濃湯同埋木魚昆布兩個湯清清地，可以試到牛肉本身嘅味道。醬料喺出面可以自由配搭，我主要都係揀返芫荽蔥同埋辣椒。當然唔少得加埋呢度嘅雞蛋，打埋落啲牛肉，倍感滑溜。