利寶閣 (Closed)

呢一輪天氣轉冷，特别好胃口，見利宝阁有個点心放题，百零蚊就任点任食，好抵喎，一於去放縦一下！利舞台呢間利宝閣地方企理，客人甚多！坐落用点心紙点餐，款式甚多，先送上来是鲍鱼酥同埋花膠灌湯餃！賣相十分吸引，食味十足，特别係隻花膠，好大件，又腍又滑，十分滋味！另外点咗好多精美点心，蒸炸炆煑，粥粉麵飯、大把選擇！最鍾意食嘅虾餃，燒賣，鲍汁鳯爪，豬脚羌，全部係我至愛！幾十款点心選擇，認真豐富！而且十分新鲜又好味！員工工作效率甚高，下单不用等多久就把所点的食物送上！换碟也快，我们吃完又点，点完又吃，十分開心！以此價錢，十分超值！