上村牧場 (Closed)

又到左同朋友慶祝生日嘅時候，燒肉店都成過好多間，所以繼續不停試新野發掘好野食😝今次黎到上村牧場，呢到最特別就係有得食鹿兒島薩摩和牛😍🫣🌟薩摩牛饗宴燒肉放題100分鐘🐮$588/位先講下套餐嘅肉，有牛五花、牛里肌肉、壽喜燒、涮涮燒、蘆筍卷等等，牛五花肉質較軟腍，涮涮燒嘅紋理較清晰，全部都係高質靚牛🤩🤩稀少肉盛合有四款，包括薩摩牛特上牛五花、腹脅肉、內裙肉同腰脅脊芯。個人覺得最正係牛五花🫶🏻雪花紋出晒黎，入口即溶。其餘三款都係厚切，店員就教每邊燒一分鐘，然後rest舊肉5-6分鐘再剪開燒，腰嘅部位肉質都比較有彈性，但入口又唔會韌，肉味濃郁🤤涮涮燒可以燒熟啲肉先放落去蘸醬，蒜蓉滿滿，味道有啲似蒜泥白肉😋甜品方面每人有一杯Haagen dazs，仲要係標準size🥹重點係有抹茶味揀！！另推介佢地個抹茶蕨餅，香甜軟糯💚所有野落單後就會由隔離嘅軌道運送過黎，好方便👍🏻啲肉高質之餘，仲有完熟果物飲品，值回票價🤗