金凱小廚 (Closed)

今日去到大圍食呢間雞煲，打邊爐！舖頭門口已經有個巴士站，所以非常之方便。地方亦非常闊落有圓枱有卡位！去到店員已經非常友善，一坐底就問你雞煲要咩辣，會唔會有嘢唔食！落左單好快就會上！而且呢間非常之特別，套餐會包每人三串串燒，有菜有肉應有盡有！估唔到呢間嘅串燒咁好味，孜然粉唔會太重，但熱辣辣咁上碟烤得啱啱好！我哋叫咗菠蘿，娃娃菜，牛舌，牛柳粒，翠玉瓜等等！每個都好好味呀！比佢地搶哂主角風頭😂仲要呢度嘅飲品包埋啤酒氣水等等，真係岩哂一班朋友黎！雞煲方面，雞非常之嫩滑，唔會有陣雪藏味！而且打邊爐仲可以揀唔同嘅湯底，好似蕃茄味，麻辣味，花膠等等！安格斯牛肉仲可以任食，仲有蝦🤭我既最愛！邊爐料都好新鮮，選擇唔算好多但簡而精，基本上都有晒！