Video
Read full review
2012-11-19
2318 views
今日係結婚周年紀念, 身為屋企大廚嘅我又有一個好藉口罷煮喇!. 之前聽人介紹呢間東城唔錯, 除咗火鍋生料, 仲有好多熟食. 咁啱今日天氣凍咗, 我又鐘意打邊爐, 一家三口決定嚟試下喇.朝早打過電話問過-18:00開始. 星期五/六/假日$115.00全包. 100CM-120CM小童 $68.00. 任飲任食2個小時15分鐘.18:00準時去到. 先叫湯底, 再剔生料. 跟住就出去巡視一下.嘩! 真係好多嘢食喎. 出面兩大張長枱放滿熟食: 有魚蛋/茶葉蛋/胡椒豬肚/壽包/糯米飯/馬拉糕.......另一邊放有不須入單嘅火鍋生料--蔬菜/.雜菇/生根/響鈴/鵝腸/牛柏葉/出前一丁/鳥冬........應有盡有.竹庶水/五花茶/酸梅湯/汽水/啤酒任飲雪糕 (雲尼拿/芒果) /雪條(紅豆/綠豆)/ 糖水(紫米西米露/紅豆沙)任食.仲有張供人混醬嘅枱-辣椒/蒜蓉/各式調味醬料一應俱全.入單嘅生料亦都好快到, 又無漏單, 抵讚!但凡入座幫襯者, 必定大飽口福, 捧住肚子落樓. 入單嘅生料: @ 蝦串/ 鯇魚片/生魚片/滑牛都好新鮮, 但第一round嘅生魚片好多骨, 仲要唔係幼骨喎. 第二r
之前聽人介紹呢間東城唔錯, 除咗火鍋生料, 仲有好多熟食. 咁啱今日天氣凍咗, 我又鐘意打邊爐, 一家三口決定嚟試下喇.
朝早打過電話問過-18:00開始. 星期五/六/假日$115.00全包. 100CM-120CM小童 $68.00. 任飲任食2個小時15分鐘.
18:00準時去到. 先叫湯底, 再剔生料. 跟住就出去巡視一下.
嘩! 真係好多嘢食喎. 出面兩大張長枱放滿熟食: 有魚蛋/茶葉蛋/胡椒豬肚/壽包/糯米飯/馬拉糕.......
另一邊放有不須入單嘅火鍋生料--蔬菜/.雜菇/生根/響鈴/鵝腸/牛柏葉/出前一丁/鳥冬........應有盡有.
竹庶水/五花茶/酸梅湯/汽水/啤酒任飲
雪糕 (雲尼拿/芒果) /雪條(紅豆/綠豆)/ 糖水(紫米西米露/紅豆沙)任食.
仲有張供人混醬嘅枱-辣椒/蒜蓉/各式調味醬料一應俱全.
入單嘅生料亦都好快到, 又無漏單, 抵讚!
但凡入座幫襯者, 必定大飽口福, 捧住肚子落樓.
入單嘅生料:
@ 蝦串/ 鯇魚片/生魚片/滑牛都好新鮮, 但第一round嘅生魚片好多骨, 仲要唔係幼骨喎. 第二round就好掂, 完全無骨.
@手打丸--鮮味爽口, 一啖一粒, 正!
@肥牛--太肥了又韌, 唔得!
Other Info. :
雖然話係食2個小時15分鐘, 我哋18:00入座, 未夠20:00已有人叫你埋單, 跟手知客就叫人入嚟. 老公同阿仔仲食緊雪糕之際, 已有人企喺背後, (我即時望錶, 當時係20:05) 喂! 仲有十分鐘先夠鐘架. 就算你話離坐計, 咁比多五分鐘食埋杯雪糕都得呱!. 攪到佢哋要捧住雪糕一路行一路食. 雖然我知出面好多人等, 但知客見人客還在進食, 而且尚未夠鐘, 咁樣催人走就真係.......有啲過分囉 :<
(The above review is the personal opinion of a user which does not represent OpenRice's point of view.)
Post
