現代煮意 (Closed)

之前見佢派單張， 新開張堂食減$5， 外賣減$8，好扺食咁喎。 今日Lunch落大雨， 一於近近地試下佢。由於唔俾搭枱， 我一位都等左好耐， 唯有改轉外賣啦～ 叫左份口水慢煮雞胸配菜飯原價$59 （用單張上的coupon減$8後變成$51）嘩， 打開盒口水雞， 賣相不錯， 份量仲好多，有十幾嚿， 而且雞全部去皮，免去麻煩， 細食既女仔應該可以share食。雞胸雖然慢煮， 但都比較鞋， 口水雞汁只有辣無麻，菜飯外賣碗滿， 略嫌油左d，似雞油飯咁。