那個ㄋㄚˋ ㄍㄜ˙ (埃華街) (Moved) New Location

之前黎叫過一次外賣便當，印象中因為便當入邊勁多榨菜類嘅嘢，個人唔係好接受到嗰個口味，見佢人氣咁勁，決定俾多次機會。今次係中午黎堂食，但係依然好高，差唔多12點多啲出到嚟，已經要排隊，排咗10幾廿分鐘之後呢終於有位。今次叫咗個榨菜滷排骨便當，根據之前嘅經驗，就叫咗走菜脯同酸菜，便當一嚟到，真係勁大塊排骨，枱面仲有三種調味粉，有特製麻辣香粉，海苔粉，同埋秘製鹽酥粉。頭幾啖，真係好正，外脆內軟，仲有少少肉汁，加埋啲滷水汁送飯，幾好食。但係食多幾啖之後呢，就開始覺得有少少膩。結果只係食到半碗。滷排骨便當加埋茉莉綠茶係$68。份量好足，但係個人覺得漏咗少少。