Video
Read full review
2015-01-08
864 views
唉，人最麻煩就係會有希望，有希望又總會失望。呢家車仔麵因為阿蘇當年推介而大熱，由太安樓檔仔搬咗入舖，最新仲擴張咗少少，持續受歡迎一定有原因，點都要去試試。個地步有啲難搵，搵吓就搵到。 嘩，啲餸多到呢，連豬手都有，腸都有幾款，滷水又有，真係花多眼亂，我點了：魚蛋、豬皮、冬菇、鮮竹卷、芝士腸，米粉，承惠＄41 ，真係平到笑； 可樂都係賣五蚊。 醬有3款，咖哩、沙嗲、腩汁，我要沙嗲。 就份量來講，冇得輸，成碗質到實一實，都唔知點開始，食塊豬片先⋯⋯好爽喎⋯⋯有沙嘅；試吓個湯底先，好咸，可能因為太多沙嗲醬。其他配料，魚蛋質地可以，味道一般，冬菇最正，入味又腍，一份有成7, 8隻，芝士腸都有5 條，可惜車仔麵湯底同個醬都好重要。 「超級無敵」只不過係個名，唔好當真，銅鑼灣新記、榮記，冇得比，灣仔「車仔麵之家」贏成條街。 呢度開到凌晨三點，可能呢個先係最大賣點。
呢家車仔麵因為阿蘇當年推介而大熱，由太安樓檔仔搬咗入舖，最新仲擴張咗少少，持續受歡迎一定有原因，點都要去試試。
個地步有啲難搵，搵吓就搵到。
嘩，啲餸多到呢，連豬手都有，腸都有幾款，滷水又有，真係花多眼亂，我點了：魚蛋、豬皮、冬菇、鮮竹卷、芝士腸，米粉，承惠＄41 ，真係平到笑； 可樂都係賣五蚊。 醬有3款，咖哩、沙嗲、腩汁，我要沙嗲。
就份量來講，冇得輸，成碗質到實一實，都唔知點開始，食塊豬片先⋯⋯好爽喎⋯⋯有沙嘅；試吓個湯底先，好咸，可能因為太多沙嗲醬。其他配料，魚蛋質地可以，味道一般，冬菇最正，入味又腍，一份有成7, 8隻，芝士腸都有5 條，可惜車仔麵湯底同個醬都好重要。
「超級無敵」只不過係個名，唔好當真，銅鑼灣新記、榮記，冇得比，灣仔「車仔麵之家」贏成條街。呢度開到凌晨三點，可能呢個先係最大賣點。
Post
