Video
Read full review
2021-01-24
289 views
星期六同呀媽去尖沙咀買口罩同食晏，我哋都無特別搵食乜。不過一出地鐵站A2出口，喺堪富利士道直行，就有間「河內越式料理」，門口有店員叫我哋入去試吓正宗越南菜🇻🇳。我哋都鍾意食越南嘢，皆因係我鄉下菜🤣。食物菜式選擇豐富，價錢都OK，主食大約$6X至$7X一份，並可以用優惠價加配飲品同小食。始終喺尖沙咀都不能期望太平。越式河內三寶飯($70)，🍚三寶飯賣相吸引，餸料份量頗多的。三寶包括香茅豬扒、香茅雞翼同扎肉，味道全部都唔錯。白飯本身未淋上豉油，豉油另上可自己調節鹹度，伴旁仲有煮熟咗嘅椰菜同紅蘿蔔，全部食得😛。香茅豬扒有三大件厚切🐷，肉質唔算鞋，而且無骨又多汁。香茅雞翼有兩大隻超巨型🍗，香茅味好出。雖然外皮炸/煎到好脆，但雞肉保持嫩滑，亦夠熟。極品牛三寶湯檬($69)，哇湯檬超大碗🍜，嚇我一跳。無論餸料定麵都好多，連配菜亦然，即係洋蔥絲、芽菜同蔥等。啲蔥多到一個點🤦🏻♂️，下次一定要記得走。牛湯味道幾濃，飲落唔口乾，無味精。牛三寶包括生牛肉、牛丸同牛𦟌🐮。生牛肉片牛味出，而且無乜肥膏。牛丸開邊上，口感幾彈牙，帶少少黑椒味。比較驚喜係呢度用上牛𦟌，而唔係牛腩。牛𦟌夠厚，兼有咬口🤤。飲品方面，我
星期六同呀媽去尖沙咀買口罩同食晏，我哋都無特別搵食乜。不過一出地鐵站A2出口，喺堪富利士道直行，就有間「河內越式料理」，門口有店員叫我哋入去試吓正宗越南菜🇻🇳。
我哋都鍾意食越南嘢，皆因係我鄉下菜🤣。食物菜式選擇豐富，價錢都OK，主食大約$6X至$7X一份，並可以用優惠價加配飲品同小食。始終喺尖沙咀都不能期望太平。
越式河內三寶飯
$70
35 views
0 likes
0 comments
香茅豬扒
24 views
0 likes
0 comments
香茅雞翼
10 views
0 likes
0 comments
極品牛三寶湯檬
$69
8 views
0 likes
0 comments
牛三寶包括生牛肉、牛丸同牛𦟌🐮。生牛肉片牛味出，而且無乜肥膏。牛丸開邊上，口感幾彈牙，帶少少黑椒味。
比較驚喜係呢度用上牛𦟌，而唔係牛腩。牛𦟌夠厚，兼有咬口🤤。
蜜糖柑桔冰
12 views
0 likes
0 comments
環境方面，餐廳面積唔細，而每張餐枱都有齊調味架、紙巾同消毒液等，客人所需嘅都齊全。衛生措施亦做到足，有足夠隔板，整體感覺幾乾淨👍。題外話，餐廳有提供熱茶，入面加咗香蘭葉，所以特別香。
總括嚟講，呢間越南餐廳唔錯，店員亦都有禮，難怪有咁多客人幫襯，全場坐滿。如果喺尖沙咀想簡簡單單食碗越南粉，不妨嚟呢度試吓😁。
Post
