Video
Read full review
2023-04-30
132 views
已有一段時間未有心儀食店想寫食評，今次去元朗探朋友，不經意唔過紅磚屋附近有間隱世私房菜，外面睇以為已關門，但原來有營業！👍門口已經覺得好似去泰國遊行時嘅特色食肆，入到去裝橫都覺得好特別，好似當年去泰國旅行既食店，令我地有一刻覺得自己去左旅行～環境乾淨衛生，洗手間只有一格，但好似一間小睡房咁大，仲有 點泰式傢俱點綴！😌今次點左9款食物，幾乎款款都喜出望外！老闆話生蝦刺身選用新鮮越南九節蝦，超爽及彈牙，的確一試難忘！👍冷盤去骨酸辣鳳爪，非常爽口，夠酸夠辣😌串燒雞串及豬肉串，肉質嫩滑，如果有點炭燒味會更惹味～烤餅估唔到可以外脆內軟，小朋友非常喜歡！👍黃咖哩有點甜唔辣，小朋友都話好味！牛肋腩夠稔～👍泰式拼盤有我喜歡嘅蝦餅及春卷，蝦餅及魚餅彈牙，最難得係蕃茄又甜又爽～👍😋去泰國旅行曾經飲過一次椰汁雞湯非常難忘，回港後試過不少泰式餐廳都總有點唔似～但今次個味道覺得有98％做到濃厚，唯一係可以再辣多少少就perfect！結果我飲左3碗～一個細煲已夠5人份量！試過唔少菠蘿海鮮炒飯都有分別，但今次食中我最喜歡嘅口味，食到有加菠蘿汁及黃薑粉一齊炒，最緊要有肉鬆，小朋友都好鍾意～👍本身不太好濕河粉，覺得乾河
門口已經覺得好似去泰國遊行時嘅特色食肆，入到去裝橫都覺得好特別，好似當年去泰國旅行既食店，令我地有一刻覺得自己去左旅行～環境乾淨衛生，洗手間只有一格，但好似一間小睡房咁大，仲有 點泰式傢俱點綴！😌
今次點左9款食物，幾乎款款都喜出望外！
老闆話生蝦刺身選用新鮮越南九節蝦，超爽及彈牙，的確一試難忘！👍
冷盤去骨酸辣鳳爪，非常爽口，夠酸夠辣😌
串燒雞串及豬肉串，肉質嫩滑，如果有點炭燒味會更惹味～
烤餅估唔到可以外脆內軟，小朋友非常喜歡！👍
黃咖哩有點甜唔辣，小朋友都話好味！牛肋腩夠稔～👍
泰式拼盤有我喜歡嘅蝦餅及春卷，蝦餅及魚餅彈牙，最難得係蕃茄又甜又爽～👍😋
去泰國旅行曾經飲過一次椰汁雞湯非常難忘，回港後試過不少泰式餐廳都總有點唔似～但今次個味道覺得有98％做到濃厚，唯一係可以再辣多少少就perfect！結果我飲左3碗～一個細煲已夠5人份量！
試過唔少菠蘿海鮮炒飯都有分別，但今次食中我最喜歡嘅口味，食到有加菠蘿汁及黃薑粉一齊炒，最緊要有肉鬆，小朋友都好鍾意～👍
本身不太好濕河粉，覺得乾河粉會惹味d。但呢碟有好多疏菜，而且河粉彈牙有口感，牛肉嫩滑，好味😋
後記： 老師娘親切好笑容，時不時會問我地啱唔啱食，更介紹呢到係正宗來自泰國嘅廚師煮，所以別有一番風味！我及朋友食得好開心好喜歡，推介！
太飽試唔到芒果糯米飯，但椰汁糕一樣出色😊
Post
