Video
Read full review
2018-04-08
289 views
平時都係睇食評多, 但食完呢餐真係忍唔住要開返個A/C 寫返個食評.呢間幾年前食過一次, 印象中味道正常, 只係價錢偏貴.今日想食星馬菜, 咁岩又見到OPENRICE 有85折COUPON, 於是就同老公過來食.打開MENU, 有好多嘢都想食, 但奈何只得兩個人. 最後我哋叫咗:馬來椰香咖哩雞 ($88)落ORDER 後唔駛5分鐘就上枱, 不過見到碟雞之後真係有啲呆.成兜只得兩舊雞 (因原本無打算寫, 所以上枱時無影到相), 而咖喱汁好似水咁稀. OKOK, 呢度話哂都係酒店餐廳, 貴精不貴多, 份量少唔係問題. 只係我咬落去第一啖已經食到好濃烈的雪藏雞味 (即酥酥哋, 又有啲少少雞屎的味道). 我真係接受唔到酒店餐廳會係呢個水準, 我明白$88 唔係好多, 但至少都應該幫我辟走啲雪藏味, 同埋個汁杰返少少等我可以點薄餅丫.兩件咁嘅份量嘅雞件 (呢個係平時酒樓的細碗, 兩件雞就係咁嘅SIZE 啦)我食咗幾啖都係頂唔住佢的雪味, 無食到.炒蘿蔔糕 ($108)味道OK 的, 只係蘿蔔糕好淋好淋, 無牙嘅老人家好岩食薄餅 (酥餅)打算用來點咖哩食的, 但咖哩唔夠5分鐘就上枱, 薄餅就
呢間幾年前食過一次, 印象中味道正常, 只係價錢偏貴.今日想食星馬菜, 咁岩又見到OPENRICE 有85折COUPON, 於是就同老公過來食.
打開MENU, 有好多嘢都想食, 但奈何只得兩個人.
最後我哋叫咗:
馬來椰香咖哩雞 ($88)
落ORDER 後唔駛5分鐘就上枱, 不過見到碟雞之後真係有啲呆.
成兜只得兩舊雞 (因原本無打算寫, 所以上枱時無影到相), 而咖喱汁好似水咁稀. OKOK, 呢度話哂都係酒店餐廳, 貴精不貴多, 份量少唔係問題. 只係我咬落去第一啖已經食到好濃烈的雪藏雞味 (即酥酥哋, 又有啲少少雞屎的味道). 我真係接受唔到酒店餐廳會係呢個水準, 我明白$88 唔係好多, 但至少都應該幫我辟走啲雪藏味, 同埋個汁杰返少少等我可以點薄餅丫.
兩件咁嘅份量嘅雞件 (呢個係平時酒樓的細碗, 兩件雞就係咁嘅SIZE 啦)
我食咗幾啖都係頂唔住佢的雪味, 無食到.
炒蘿蔔糕 ($108)
味道OK 的, 只係蘿蔔糕好淋好淋, 無牙嘅老人家好岩食
薄餅 (酥餅)
打算用來點咖哩食的, 但咖哩唔夠5分鐘就上枱, 薄餅就喺蘿蔔糕食到一半嘅時候先到. 咖哩汁又稀又凍....但無計, 十 都要照食.
餅味道正常, 只係油咗少少.
魚頭湯米粉 ($115)
湯底OK 的, 但感覺同出面食魚蛋米無乜分別, 只係魚蛋變了魚片.
最後埋單85折後$35X, 呢個價錢, 呢個質素都真係幾恐怖.
Post
