Video
Read full review
2019-08-31
542 views
心血來潮想慰勞一下每日由05:00忙碌到19:00嘅自己～(⁎⁍̴̛ᴗ⁍̴̛⁎) 見到呢間café 個名咁特別，亦令我諗起每日早晨色彩多變嘅晨曦🌅，感覺就係呼喚緊我。既然如此，就不妨試下啦！用openrice訂座服務，可累積飛行里數或積分作以後兌換優惠之用。完成網上訂座，店員立即打電話黎確認時間及用餐人數，有效率而且好有禮貌。向店員了解咗晚餐時間，20:30 last order，21:30 閂鋪。想食晚餐嘅客人最好訂位及於20:00前入坐，以便廚房早作準備。Dawn 位於內街，鋪面並不起眼，室內裝修優雅、環境清靜，適合想係繁囂中尋找一片寧靜嘅客人。用餐流程：先係門口櫃臺落單比錢，拎個號碼牌作記認，店員會親自送上餐點。1\燒豬腩肉燒豬腩肉脂肪分佈平均，肉質鮮嫩、肉汁豐富。外皮燒得微微脆口，可能晚市臨閂鋪，燒肉唔係新鮮炮製，外皮有丁點兒韌。柚子胡椒醬汁經過調配，酸甜帶啲微辣，幾開胃。🥗沙律菜及蔥絲份量頗多，而且新鮮，配搭酸甜醬汁，可減低燒豬腩肉嘅油膩感。水波蛋生熟程度剛好，蛋黃仍維持水水嘅狀態。煮嘅時候落咗白醋，令蛋白冇飛散出黎，形狀工整。食法按個人喜好，可以一啖放入口中，或把燒豬腩肉切片沾蛋黃
見到呢間café 個名咁特別，亦令我諗起每日早晨色彩多變嘅晨曦🌅，感覺就係呼喚緊我。既然如此，就不妨試下啦！
用openrice訂座服務，可累積飛行里數或積分作以後兌換優惠之用。完成網上訂座，店員立即打電話黎確認時間及用餐人數，有效率而且好有禮貌。
向店員了解咗晚餐時間，20:30 last order，21:30 閂鋪。想食晚餐嘅客人最好訂位及於20:00前入坐，以便廚房早作準備。
Dawn 位於內街，鋪面並不起眼，室內裝修優雅、環境清靜，適合想係繁囂中尋找一片寧靜嘅客人。
用餐流程：
先係門口櫃臺落單比錢，拎個號碼牌作記認，店員會親自送上餐點。
1\
燒豬腩肉
燒豬腩肉脂肪分佈平均，肉質鮮嫩、肉汁豐富。外皮燒得微微脆口，可能晚市臨閂鋪，燒肉唔係新鮮炮製，外皮有丁點兒韌。
柚子胡椒醬汁經過調配，酸甜帶啲微辣，幾開胃。
🥗沙律菜及蔥絲份量頗多，而且新鮮，配搭酸甜醬汁，可減低燒豬腩肉嘅油膩感。
燒豬腩肉
$108
30 views
0 likes
0 comments
水波蛋生熟程度剛好，蛋黃仍維持水水嘅狀態。煮嘅時候落咗白醋，令蛋白冇飛散出黎，形狀工整。食法按個人喜好，可以一啖放入口中，或把燒豬腩肉切片沾蛋黃醬食用，或配夾包食用。
味道方面水波蛋有輕輕一陣香草味，冇醋嘅酸味。由於水波蛋一般調味較少，用意品嚐蛋香味，因此建議採用蛋黃味更濃郁嘅雞蛋🥚，以提高味蕾嘅享受。
燒豬腩肉
$108
24 views
0 likes
0 comments
夾包（又稱刈包）係台灣出名小食。傳統餡料以片狀五花滷肉、酸菜、花生粉及香菜等為主。今次餡料係燒豬腩肉配合蔥絲、沙律菜同柚子胡椒汁，味道較清新。夾包質感似饅頭，解決咗腩肉油膩感。
燒豬腩肉都幾大舊，希望有多個夾包，咁就可以同朋友一人一份，一齊品嚐下台灣fusion 菜式。🎉
燒豬腩肉
$108
22 views
0 likes
0 comments
2\
卷通粉
配料包括雞肉、雜菌、紅洋蔥、油浸蕃茄乾、甘荀忌廉汁。餐牌經修改，加入「油浸蕃茄乾」，可惜蕃茄乾份量好少，要仔細食先有所發現。
👨🍳卷通粉面層配上芝士再焗，上菜時店員貼心地提醒小心餐盤燙手。甘荀忌廉汁味道同卡邦尼汁相似，焗芝士味道香濃，做到拉芝效果🧀。通粉長條狀，側面呈8字形狀，口感帶點煙韌，有咬口。份量唔少，兩人share食落冇咁膩。
卷通粉
$92
31 views
0 likes
0 comments
3\
甘筍合桃蛋糕
蛋糕口感蓬鬆而且濕潤、彈性低，質地近似戚風蛋糕，當中加入合桃及蘿蔔絲。幾乎每一啖都食到合桃或者蘿蔔絲，口感好豐富。糖霜甜而不膩，味道有啲似吉士。水準唔錯！
甘荀合桃蛋糕
$45
24 views
0 likes
0 comments
4\
Non Coffee drink：
Iced Matcha Latte
Dawn 於8月更新咗餐牌，加入新飲品Matcha Latte。🥛 奶嘅味道比較甜，似係選用植物奶。🍵 抹茶味道清澈、甘甜唔苦澀，帶有沉穩嘅茶香味。抹茶甘味同奶嘅甜味相輔相成，味道香濃，甜而不膩。
抹茶由上好嘅茶葉磨成粉末，含有氨基酸，除咗降低患癌風險，亦能抗氧化。
Iced Chocolate
可可味濃厚，口感順滑涼快，而且果腹。辛苦咗成日，飲返杯凍朱，心裏不自覺地甜滋滋起黎。
Matcha Latte & Chocolate
$48
32 views
0 likes
0 comments
21:00左右，餐廳只剩低我哋一枱客人。雖然店員冇趕客，但我哋都唔好意思阻人收鋪😅，所以沒久坐，離開時店員仲有禮貌地同我地道別。整體而言，用餐感覺良好，值得推薦。
Post
