一盅點聚 (Closed)

今日同媽咪去食下午茶，經過依度新開嘅，入去試試。媽咪鍾意飲茶，所以過嚟睇吓點樣。座位都算闊落，唔知係疫情關係，定本身都算闊，坐落去冇咩壓迫感。餐牌選擇雖然唔太多，但總算包羅萬有，飲茶基本嘅點心都有齊。餐牌選擇雖然唔太多，但總算包羅萬有，飲茶基本嘅點心都有晒。媽咪叫咗個蜆芥靚魚球，蟲草花雞燉湯。我叫咗個章魚肉餅飯，薑蔥牛柏葉，同菜心。靚魚球有三粒，三粒都大大粒，味道都唔差。燉湯都夠兩個人分，個人覺得味道可以再濃啲。章魚肉餅飯分量十足，一籠籠既蒸飯，章魚碎加喺肉餅上面。薑蔥牛柏葉好夠料，有八至九片。菜心正正常常。最後我仲叫咗個芒果布甸，個人覺得OK啊，因為布甸裏面有粒粒嘅芒果。總結：呢餐飯算係唔錯，大家有興趣，不妨一試。