初時甜品 (Closed)

假日下午專程去大坑原本想食下午茶，行左一陣未有心水餐廳，跟住見到呢間甜品小店，有我喜愛的芋圓，於是決定試一試。落左order之後就坐喺舖外的座位，一邊等甜品到一邊欣賞一下大坑社區的環境，有種少有慢活的寫意。招牌仙草芋圓 : 有寒天、紅豆、芋圓、仙草同芋蓉，份量都幾多，2個人1碗當午茶啱啱好。第一次食寒天，幾特別，透明的口感爽爽脆脆的，上網查一下先知係低卡有飽肚感的食物。仙草芋圓底層係冰，食完成個人感覺透心涼，暑氣全消。