Souprb (Closed)

星期五係上環需要HEA下時間，就諗住搵間靜靜地既CAFE坐下，見到呢間SOUPRB裝修幾簡潔舒服，就決定入去睇下有咩食，點知好有驚喜！餐廳裝修以白色為主，比人一種明亮乾淨既能覺；最重要既係－－佢係有提供差電架，好適合我地呢D需要hea時間既人。店員既服務態度非常好，朋友唔記得左帶差電線，店員都好樂意借比佢，加分！餐廳主打西式燉湯，有好多唔同既餐可以選擇，我地分別揀左吐司套餐（經典吐司／匈牙利燉牛肉湯）同燉飯套餐（咖喱雞燉飯／大啡菇栗子湯）。因為店員向我地推薦佢地既冷壓果汁（跟餐加＄30)，所以我地就點左橙色同紅色果杯試下。等左唔係好耐就有野食喇～講下個大啡菇栗子湯先，飲落非常濃稠，可以食到好多菇粒，質感有D似食緊CEREAL；菇味非常香濃，感覺好健康！Orange reliever係店員推薦既冷壓果汁，應該係有幾種果汁加埋一齊（？），但係我就淨係飲得出橙汁味XD，佢唔似一般橙汁咁酸；甜度適中，我個人非常喜歡。咖喱雞飯似係日本咖哩，食落甜甜地，比教辣；入面除左有雞之外仲有紅蘿蔔同薯仔，非常有住家感覺。我地叫左既另一個湯係匈牙利燉牛肉湯，飲落其實係羅宋湯既味道，酸度同辣度都適中，非常開胃；