Espresso Alchemy

Open Now

Now Closed

可以透入自然光既餐廳成個感覺係特別平靜同舒服，好適合同朋友一齊坐下傾下計。今次呢間餐廳有充足既自然光☀️而且落地玻璃對出有個大空地，空間感好好。我地叫左兩個set lunch 加甜品，慢慢嘆😌《煙三文魚沙律配檸檬🍋醋醬》煙三文魚唔係薄薄一片，夠厚實好有口感，而且唔太咸，檸檬醋醬酸酸地，中和咗煙三文魚既膩，好開胃。配菜仲有黑橄欖、sun dried tomoto 同車厘茄，誠意十足😆《蟹肉味噌扁意粉》蟹肉份量好夠，食每一啖粉都可以食到蟹肉，意粉質地好好，少少煙靭。朋友叫左flat white，佢話唔錯，而我就叫左杯iced mocha，就算啲冰溶咗啲，咖啡仲好幼滑，而且仲好有朱古力味🍫最後當然要試埋甜品啦～《生酮宇治抹茶忌廉卷/ 生酮朱古力班朗尼忌廉卷》原本剩係想試一隻味，但揀來揀去都揀唔到叫咩好，最後兩個味都食🤣🤣🤣喺其他地方都試過抹茶卷🍵不過唔係生酮既，今次生酮抹茶忌廉卷食落嘅口感唔同，乾身啲，因為減少左糖份，所以抹茶味好出。而朱古力班朗尼裡面有一粒粒朱古力碎，而且朱古力味都好濃。