台灣麵 (Closed)

今日同朋友去旺角行街，經過始創中心，見到附近好多賣台灣飲品的舖頭，醒起始創中心地庫有一間食台灣食物的舖頭，可以食午餐之餘，又可以坐得舒舒服服飲台式飲品，就一於幫襯一下。星期六的下午原來都有午餐供應，亦有單點菜單，無論食物種類定飲品種類都唔少。我們叫了一個紅燒牛肉麵餐，牛肉湯底濃厚，帶有香濃的牛肉湯味和微微辣味，台灣麵爽口彈牙，牛肉好大件，炆得軟滑入味。再叫了一個台式三寶麵餐，三寶有牛味重的牛𦟌，炆得好淋唔韌的牛肚和入味軟滑有骨膠原的牛筋，牛肉湯底和麵都同牛肉麵一樣。因為是套餐嘅關係，加$9就可以叫到一杯水果茶同加$4就可以叫一杯珍珠奶茶。水果茶酸酸甜甜，有好多生果，有橙、西柚、菠蘿、士多啤梨等，好豐富好清新。珍珠奶茶方面算是好正宗，奶茶不過甜，珍珠煙韌得來得軟淋，能坐下慢慢享受實在是幸福。 之後我哋叫了一個滷水雞翼及滷水溏心雞蛋，滷水好入味，雞翼都算滑，溏心都做到流心感覺。最後為食的我們叫了一份蚵仔煎，柯仔好大粒，煎得香脆可口，配上甜辣醬，好滋味。