水墨青花 (Closed)

行花園街多數都係為咗買衫或買生果，想唔到今次朋友帶我去近旺角果邊天橋隔離正正在旺角道華懋王子大廈1樓H室，有一間由位非常年青小妹妹90後創辦的茶室，茶室名叫「水墨青花」，真係好詩意情懷。茶室不是有什麼宏偉壯觀嘅裝修， 入到茶室感到好 清雅整潔，想唔到係鬧市中竟然有寧靜之處，借品茗放鬆心靈，仲有書睇，而且有茶包及茶具賣添。茶室由中午2點開至晚上11點，食飽飯嚟飲杯茶可作消閒之處，或是晚餐後可作解膩或談心嘅好去處。打開餐牌，共有5類茶類選擇，有烏龍茶、紅茶、綠茶、白茶、黑茶/普洱。每位茶價首小時$48，其後每半小時$15，無限量供應飲用。仲有三種不同體驗任你選擇， 蓋碗-親身體驗，即是用自己親手泡茶， 玻璃壺-悠閒熱飲由老板親自泡茶給你，另外就係冷泡樽-清新清暑是經冷泡後的凍茶。茶類及體驗方法咁多選擇，我就揀咗「蓋碗」及「 廣東鳳凰單欉」由自己泡茶， 廣東鳳凰單欉清香味甘，回甘味重，愈飲愈有茶香留係口腔內，是不錯的茶種。至於朋友就叫咗「 玻璃壺」及「 2014年貢眉龍珠」， 未泡茶前包裝是用金色石紙一球球的，外型似龍珠，味道清香，不苦澀好順喉，還不錯。不單只有茶，還有小吃零食，我就同朋友叫