茶木‧台式休閒餐廳 (Closed)

同朋友仔係附近學樂器，上堂之前就去茶木食飯。我一向都好鐘意飲台式飲品，茶木呢度既飲品雖然比出面舖貴，但係質素確實好好。我order左一杯黑糖珍珠奶茶，一個酥炸豬排肉燥飯。熱既黑糖珍珠奶茶我係第一次飲，珍珠變得更軟糯，加上黑糖味都幾重，推薦比鐘意飲甜既人。而酥炸豬排飯比餐牌上大份，一個人可能未必食得哂。炸豬排個皮好脆，肉燥都夠入味，可以比得上係台灣本地食既肉燥飯。唯一不足既係旁邊既小菜，食落好似有陣包裝味道。。。得閒又諗唔到食咩，我會pick茶木做首選。