Lagom Kaffe (Closed)

放假想搵間靚靚cafe食下野，搵到呢間幾近觀塘海濱嘅cafe,食完野仲可以去散下步，所以就揀左呢間Lagom Kaffe。一入到黎有d驚嘆，呢間餐廳非常大，有室外露天位同埋室內，店員會問我地想坐邊，坐露天就好似chill d，但係呢排有d凍，都係坐室內好了😂但其實室內都好靚，空間感十足。餐廳裝修以木系為主，有d文青感。食物方面，揀左黑松露帶子奶油燉飯同埋白酒奶油三文魚意粉。黑松露帶子奶油燉飯，賣相唔錯，帶子幾大粒，好鮮甜。黑松露味好香，飯入面有d脆脆地嘅口感，好好味。白酒奶油三文魚意粉，三文魚個皮煎到好香脆，好味，唔會太咸，感覺幾健康。最後我地叫左個甜品，意大利芝士蛋糕，唔會太甜同埋太膩，食埋甜品就好滿足🥰星期六日黎休閑食下野都唔錯！