亞萊嘜嘜 (Closed)

今日day off 同左爸爸食午餐。呢間餐廳之前已經想食架啦，但係晚餐時段真係好多人，所以放棄左食其他野。點知原來爸爸一直記住佢念念不忘！話要返去食返黎到先係十二點幾，唔洗等位即刻有得入座。入座率都好高啦有成七成滿。之後陸續有人入黎，唔洗幾耐都已經滿座睇黎附近既人都幾鐘意黎呢度食飯。午餐有set，有大概七至八樣野食揀，有飯又有麵，都好容易有岩食既野叫。價錢就由四十餘到五十不等。我就揀左海南雞飯。原來個set有例湯既，因為我自己唔鐘意飲湯，所以走左。個餐係好食，雞好滑，有雞味。點雞個汁都辣辣地幾開胃又好送飯。而且雞肉份量都唔少，我本身細身仲可以同爸爸開心share。不過個飯就有d 失望，唔似黃油飯，似黃薑飯多d。其實就算係黃薑飯都無問題，不過個飯有d 乾，如果我唔點d 汁落飯一齊食真係有d硬呀。但係呢度d staff 真係好有禮貌好好人，所以都會返黎encore 試下其他野食。