Video
Read full review
2021-10-07
222 views
要去打卡的地方📸Bookmark左好耐想去，終於有人陪我去👭晏晝時間去到，餐廳差唔多坐滿晒人，店員見到我哋喺出面影相都主動問我哋有冇book位。因為比較多人嘅關係我哋只可以坐室外，天氣有啲熱但係佢有好多把風扇都還可以接受。佢哋用QR code menu,同朋友就點左一個pasta同一個Crêpes白酒青口意大利粉 $148我會形容佢係超級足料嘅意粉，因為青口好多，而且佢嘅伴碟係好靚，用咗好多花花草草，啱晒個地方，最緊要唔係得個樣，味道都可以😝煙燻火腿法式可麗餅 $128我覺得呢個可麗餅好好食，嚟呢度食一定要叫可麗餅。佢面頭有煙燻火腿同埋半熟煎蛋，而可麗餅入面包住椰菜絲同埋沙律醬，成個配搭好好，飽肚又健康。☺️😍😋嘢飲方便我哋叫咗兩杯期間限定，士多啤梨綠茶冰$68同埋荔枝綠茶冰$68。🍹兩杯嘢飲都唔會好甜，而且有綠茶味又唔會失左水果味道。雖然叫綠茶冰，但絕對唔係就咁加冰，杯嘢飲沖好之後會見到不斷有氣泡浮面，直到最後會呈現第一張圖咁樣，冇晒野浮而且嘢飲會變得成杯一樣顏色，幾特別之餘味道唔錯，兩杯之中比較鍾意荔枝味，未飲嘅時候已經聞到好香嘅荔枝味道。👍👍👍餐廳店員感覺好Nice，而且見到佢哋嘅
Bookmark左好耐想去，終於有人陪我去👭
晏晝時間去到，餐廳差唔多坐滿晒人，店員見到我哋喺出面影相都主動問我哋有冇book位。
因為比較多人嘅關係我哋只可以坐室外，天氣有啲熱但係佢有好多把風扇都還可以接受。
佢哋用QR code menu,同朋友就點左一個pasta同一個Crêpes
白酒青口意大利粉 $148
我會形容佢係超級足料嘅意粉，因為青口好多，而且佢嘅伴碟係好靚，用咗好多花花草草，啱晒個地方，最緊要唔係得個樣，味道都可以😝
煙燻火腿法式可麗餅 $128
我覺得呢個可麗餅好好食，嚟呢度食一定要叫可麗餅。佢面頭有煙燻火腿同埋半熟煎蛋，而可麗餅入面包住椰菜絲同埋沙律醬，成個配搭好好，飽肚又健康。☺️😍😋
嘢飲方便我哋叫咗兩杯期間限定，士多啤梨綠茶冰$68同埋荔枝綠茶冰$68。🍹
兩杯嘢飲都唔會好甜，而且有綠茶味又唔會失左水果味道。雖然叫綠茶冰，但絕對唔係就咁加冰，杯嘢飲沖好之後會見到不斷有氣泡浮面，直到最後會呈現第一張圖咁樣，冇晒野浮而且嘢飲會變得成杯一樣顏色，幾特別之餘味道唔錯，兩杯之中比較鍾意荔枝味，未飲嘅時候已經聞到好香嘅荔枝味道。👍👍👍
餐廳店員感覺好Nice，而且見到佢哋嘅關係都好好。令我都覺得佢哋返工返得好開心😃
食完野之後當然要去不斷打卡，千祈唔好錯過，再加上今日嘅天氣超級好，影埋天空嘅雲就不得了。室外室內都影到女神照😝
Post
