重慶洪鼎火鍋 (Closed)

朋友在附近返工, 同我提過這間火鍋店, 今日就過去試試, openrice 寫L5出口, 但其實行遠左, 如果出 ISQUARE向前行更快捷！餐廳很大，枱同座位都很闊落，佢地有海鮮＆肉類套餐，價錢亦很優惠，湯底只收１蚊，如果兩款湯底就＄２０！我揀左木耳雞湯底，吾會好油，而且有成半隻雞，仲要１蚊，真係超級抵。個湯好有家既感覺，好暖胃！小食叫了醉鴨舌，酒味夠，又爽口，份量亦足！海鮮拼盤亦好足料，非常新鮮，魚片可以刺身甘食，亦可打邊爐！蝦好實肉，蝦尾亦切好，好周到！牛肉亦好林身，入口即溶。自家製庶水吾太甜，好清甜！如果趕到　８點半埋單，可享全單７折，但就吾能夠同１蚊湯底一齊用！最後仲有優惠卷送，下次幫襯送海鮮拼盤！另外要贊一下餐廳侍應都很有禮貌。