輕時光

Open Now

Now Closed

由天后開到中環的 「輕時光」，主打優格、果昔、水果茶……仲有咖啡飲，以健康輕盈的優格做賣點，其中優格蓋茶就以優格取代芝士奶蓋，味道同口感都很特別，又好飲。外牆的粉藍色好搶眼，望落好舒服。飲品店以簡單的裝潢，但都好多打卡位，透風的水泥矮牆間隔，帶點懷舊感。等待飲品時，見到旁邊的可愛聖誕樹，氣氛很好，多份暖人聖誕氣氛。落單位就有綠油油的幾個盆栽，令人感覺好悠閒。點左兩款飲品，一款係生果與優格打成的果昔，一款係用優格做蓋茶的果茶，飲品外帶或堂飲都可以。芒果紅火龍優格果昔 $40個人極為推介優格果昔，真係超好飲，有生果香甜同果香，配搭creamy 輕柔的優格，打成的果昔，口感細滑順綿，味道好似流質軟雪糕，用優格取代雪糕，又香又甜又健康，顏色仲好靚，分層入杯，仲飲到兩款生果口味，讚。熱情果優格蓋茶 $38好特別的蓋茶，用優格取代芝士奶蓋，味道更有奶味，輕盈唔膩，有微酸的優格清新口感，茶底係桂花烏龍，好清香，酸酸甜甜的熱情果好開胃，果香誘人，配搭新穎味道又夾。另一個打卡位係淺綠色磚的石台位，影相或坐下飲野都好適合。