一風堂 (新港中心) (Closed)

友人好鍾意食拉麵，佢成日話連鎖拉麵店黎講最穩定同好食就係一風堂。星期六下午一點幾去呢間分店竟然唔駛排隊。兩個人分別叫左赤丸、特製白丸同埋餃子。普通赤丸同特製嘅分別係少左半隻蛋同埋紫菜。我點左硬身麵質，食落口感剛剛好，相信如果要普通麵質再浸耐左會覺得太淋。湯底方面有少少辣，加埋蔥花蒜好香，而且飲左幾啖都唔口渴。友人叫左特製白丸，湯底好濃郁，因為純豬骨湯底冇辣味，所以豬骨味好突出。最愛日式餃子，呢度嘅餃子上面鋪滿薑蓉同蔥花，加埋餃子汁，別有一番風味，可惜性價比好低，因為好細隻。