Video
Read full review
2016-05-02
1415 views
難得Long weekend，同朋友黎港島行下，想係銅鑼灣搵個坐得耐既地方食飯，竟然俾我地係openrice搵到呢間台式餐廳。我地7點幾黎到，都有唔少人食緊飯啦，但好好彩唔洗等位，呢度環境唔錯，都算靜，都幾適合傾計，裝潢走綠色青幽森林路線，感覺柔和。餐牌裡面既選擇都幾多，有甜品，主菜，小食，飲品等等。水果果茶: 水果果茶係熱既，用個玻璃茶壺裝住，好精緻，味道有少少似微甜既利賓納咁，份量一D都唔少，2個人飲都夠飲。甘菊荔枝烏龍: 茶味清甜，而且有少許jelly，口感幾特別，我地坐左成個幾鐘，就算D冰溶左後味道仍保持水準。香濃忌廉蜆意粉: 意粉落左唔少芝士，唔多好芝士既我地唯有潑開佢，除此之外味道好香濃，口感都好creamy，蜆既份量都唔少，唔錯。綜合菌菇芝士薄脆: 薄脆一份有 6 件，賣相有D似切開咗既 Pizza，食落口感好香脆，菇菌既量都很多，價錢合理，值得一試！RB Tea 小食拼盤: 小食拼盤有香草腸，薯角，炸雞粒，雞翼同埋蝦片。雞翼焗得幾香口，配埋芥末沙律醬，感覺幾特別，香草腸好幼身，脆脆地幾好味。芒果輕食鬆餅: 甜品對於女生黎講先係主菜，Waffle 有分2個size，正常s
我地7點幾黎到，都有唔少人食緊飯啦，但好好彩唔洗等位，呢度環境唔錯，都算靜，都幾適合傾計，裝潢走綠色青幽森林路線，感覺柔和。
餐牌裡面既選擇都幾多，有甜品，主菜，小食，飲品等等。
水果果茶: 水果果茶係熱既，用個玻璃茶壺裝住，好精緻，味道有少少似微甜既利賓納咁，份量一D都唔少，2個人飲都夠飲。
甘菊荔枝烏龍: 茶味清甜，而且有少許jelly，口感幾特別，我地坐左成個幾鐘，就算D冰溶左後味道仍保持水準。
香濃忌廉蜆意粉: 意粉落左唔少芝士，唔多好芝士既我地唯有潑開佢，除此之外味道好香濃，口感都好creamy，蜆既份量都唔少，唔錯。
綜合菌菇芝士薄脆: 薄脆一份有 6 件，賣相有D似切開咗既 Pizza，食落口感好香脆，菇菌既量都很多，價錢合理，值得一試！
RB Tea 小食拼盤: 小食拼盤有香草腸，薯角，炸雞粒，雞翼同埋蝦片。雞翼焗得幾香口，配埋芥末沙律醬，感覺幾特別，香草腸好幼身，脆脆地幾好味。
芒果輕食鬆餅: 甜品對於女生黎講先係主菜，Waffle 有分2個size，正常size同埋輕食，已經食左咁多野既我地梗係揀輕食啦。其實輕食既份量都唔少，都有2-3片waffle架，賣相相當吸引，Waffle口感外脆內軟，上面放左D芒果粒同淋上D芒果醬同埋雪榚，雪榚味道好特別，似係海鹽同雲呢拿味既混合體，食落鹹鹹地甜甜地咁，唔錯。
Post
