Hugo Le Resto Grill (Closed)

星期日婆婆又帶大帝去教會，可以同先生有私人時間食個lunch。今次去食西餐，有10款lunch set 選擇，有跟埋沙律吧。沙律吧既菜新鮮，為繁忙既都市人提供點纖維素。餐包熱辣辣，外脆內軟塗埋牛油好香好好味。是日餐湯係粟米湯，好香甜帶有粟米粒好飲。我揀左蜜糖燒美國岩魚配黑松露忌廉飯，岩魚皮脆肉質有彈性，黑松露忌廉飯香濃忌廉味，飯軟硬週中，調味剛剛好。先生揀左美國頂級西冷牛扒伴紅酒汁，西冷帶脂肪肉質軟嫩，味道唔錯。餐廳環境有輕柔既歌曲，幾寧靜舒服。