優閑法式班戟甜品專門店 (Closed)

今日係西營盤開會，開會之前唸住醫左個肚先就去左係附近既優閑食班戟。衣間餐廳麻雀雖小但五臟俱全，而且仲佈置得好靚。五點半去到冇人排隊唔洗等位，今日間舖好多人除左廚師有四個人係度幫手，細細間餐廳估唔到有咁多人。紅桑莓橙香酒汁伴瑞士特濃雪糕班戟配榛子碎 $28餐牌上既班戟醬汁同雪糕可自由配搭，每款班戟可配朱古力，杏仁或榛子碎。個班戟皮好薄，有少少脆，加埋啲配料好好味。雪糕咖啡味香濃，不過溶得好快，只係食得幾啖。啲cream自家制既唔會好肥膩，紅桑莓好足料都有幾粒。一開始完全feel唔到啲橙香酒汁，可能係個雪糕搶晒啲味，到食晒其他配料差唔多食到最尾果時先食到有橙香味，啲汁甜甜酸酸咁配埋個班戟幾好食。半份size比較小，食完覺得唔夠所以叫多個咸班戟試下。生菜蕃茄粟米千島汁班戟 $25好有田園風味既班戟，本身想試法汁可惜冇晒，千島汁落得唔夠基本上食晒食個班戟去到最後先有，不過有生菜粟米所以食落唔算dry，個人認為衣個班戟唔算太好食。