新金堡餐廳

Open Now

Now Closed

星期一見這小店新開張，想去試菜，中午時份可能很多附近街坊人同此心，很快滿座。咁就試吓外賣焗豬扒飯，咦！有驚喜，只係$52有杯飲品，性價比高喎。星期五，約2個老友去試吓晚餐，問咗老闆，不會收開瓶費。新開張，暫時晚市比較靜。只有幾枱客。三個人自備紅白酒各一支，老闆備有紅酒杯，細心喎。叫了法國蝸牛，青口送酒吹水。水準唔錯叫了羅宋湯，龍蝦湯，非常啱口味主菜2份牛柳，1份羊架。羊架好嫩唔騷。牛柳肉淋有牛味，而且居然套餐$160，真係黐線咁平，點為皮？跟著老闆推介芝士瓶及巴菲，本身很少吃甜品，和老友分享，又幾好喎，我唔食甜野都覺得好食。呢間小店真心覺得有驚喜，味道幾好味。性價比冇得輸。