小皇府 (MOKO新世紀廣場)

Open Now

Now Closed

前幾日去咗一間好優雅嘅中菜餐廳食晚飯🥣餐廳裝修用金色藍色配搭，背景音樂係啲好抒情嘅鋼琴曲，有一種好高級又relax嘅感覺✨生拆蟹粉小籠包 $36@1我哋叫咗兩個試吓。一啖咬開，好多湯汁湧入口😍 好鮮甜😌 仲有豐富蟹黃，豬肉做餡料，鮮上加鮮👍🏻原隻花膠灌湯餃 $58花膠好大條，口感粘稠而且好軟身。灌湯餃係用一層薄皮包住餡料，用匙羹盛起放入口，就可以試到鮮美無比嘅湯汁嘅餃子，口感豐富，湯鮮餡香❤️金沙百沙九肚魚 $128就係我拎住嗰碟😆 第一次食炸九肚魚😋 炸到金黃香脆嘅九肚魚咬落非常鬆軟，裏面嘅餡除咗魚肉仲有蝦，鮮味十足。大漠風沙雞（半隻） $148半隻炸子雞份量都幾多，皮脆肉滑，而且入味，新鮮炸起即刻食，口感最正👍🏻啫啫石鍋生菜 $78石鍋生菜一到，就俾佢嘅香味同沙沙聲吸引住😍 店員會幫我哋炒到變熟就可以食，熱辣辣嘅生菜🥬食落又香口又惹味😆食咗咁多肥膩炸嘢，好彩我哋一早叫咗鐵觀音，幫助消化同降下血脂😆茶位$10一個。