Wings Bar & Restaurant (Closed)

每次響Sogo等過馬路時抬頭都會望到Wings，覺得內裡裝修幾特別，尋晚終於去咗食晚餐。環境方面，上到去只剩得梳化位，但同旁邊的食客好近，有d唔自然，呢d位係飲野or情侶會o岩d，之後waiter換了個window位俾我地，坐得舒服d，但後面一簾之隔就係吸煙區，所以都聞到少少煙味，但尚可接受。食物方面，幾good，冇叫set dinner，因為散叫嘅食物較吸引。要了頭盤一客鵝肝多士（2件）、一客藍芝士蘑菇扁意粉和一個芒果軟殼蟹pizza，樣樣都好好味，特別係意粉，但佢先上了意粉，之後就頭盤，最後是pizza，可能個意粉較濃味，所以食pizza時冇驚喜，除了d芒果較酸，其實都唔錯的。本來想食埋dessert，但太飽了，樓下派的傳單有八折，最後2個女仔都係食咗一百八十幾，價錢算合理。