富記麵家

Open Now

Now Closed

平日lunch時間，門口有幾個人排隊，大概5分鐘就入到去。店舖唔大，環境企理乾淨。上菜都上得幾快，不過唔會催你或者俾你好趕嘅感覺，服務態度都好好。嗰日無牛坑腩，叫咗普通牛腩，牛味濃郁，煮得夠腍，連住少少肥肉，肥瘦適中，好味。而手打黑白墨魚丸夠彈牙，有咬口一啲都唔粉， 有啲墨魚碎粒，夠晒墨魚味。湯底都飲到牛味，之後無口渴應該無味精。蘿蔔清甜無筋。河粉幼滑，唔會好易斷亦唔會一pat野，份量十分慷慨，對於女士來講夠晒飽。會再幫襯，希望下次可以食到牛坑腩啦。