花月冰室

Open Now

Now Closed

長沙灣有間冰室，主打多款港式料理，小炒、煲、焗類、蒸類、煎炸樣樣有齊，晚市更有套餐供應。店內環境清潔，燈光猛烈，店員服務態度亦十分友善，出面好少見，經過可以一試。私心推介豆椒涼瓜炆排骨煲，涼瓜大塊，煮至軟身，苦度啱啱好，老少咸宜，排骨份量都唔少，肥瘦適中，而且幾入味，食完亦唔會覺得口乾，配飯一流。雖然西冷用碟上但勝在夠熱，牛味突出，少筋但可接受，配上黑椒汁更惹味，旁邊附上薯菜，薯角炸至酥脆可口，喜歡。另外有三色蒸水蛋，入口滑溜，帶點鹹香氣，家常小菜，健康又好味。咖喱焗鴛鴦扒飯賣相一流，咖喱香濃惹味，飯粒粒分明，鴛鴦扒好少有，分別為豬同雞，豬扒唔乾，雞扒滑身，唔覺唔覺就清曬。