粵廷軒海鮮火鍋酒家 (Closed)

臨近新年公司食飯😬去左山林道粵廷軒食火鍋夜晚7點多地鋪都已經幾多人食緊 我地book左vip房 間房都幾大 一張長枱 坐到十幾人 旁邊仲有位置可加枱 😃坐低後有黑木耳小食 酸酸辣辣味🌶幾開胃 忍唔住再夾黎食佢地提供既自選醬料都好齊✨火鍋最重要就係湯底🥘試左招牌養生黑松露菌皇湯底 同冬陰功湯底 黑松露湯底好鮮甜 好重黑松露味 湯料有大量菇同菌類 🍄放野食前一定飲飲個湯底👍🏻 冬陰功湯底味道好濃 酸辣度調得幾好 🌶愈煲愈濃味 海鮮類全部都好新鮮好鮮甜 d蝦拎過黎時仲識郁 🦐另外芝士蝦丸墨魚丸 入面包住粒芝士 芝士控最岩❤️手切牛肉新鮮重牛味 唔會韌 🐂🐂黑毛豬柳 肉質細嫩鮮甜 食落有香濃既肉味🐖另外鯇魚圈好爽脆 醉雞都好入味同滑嫩 可能星期五既關係 侍應比較忙 有時叫左幾次d野先拎到過黎 但服務係好好👍🏻湯底 食材 服務態度 都十分好 ⭐️會想再去食既邊爐