食棧

Open Now

Now Closed

佢哋嘅炭燒燒味近排被D雜誌捧到上天。自己大半年前叫過外賣，味道普通之極，不知何解會受人吹捧，可能小弟唔識欣賞la...昨夜响家中睇飲食男女，又睇到對佢哋嘅介紹。心諗都係時候俾多次機會佢，睇吓係唔係咁巴閉...今次堂食，開壺普洱，叫碗火肉鴨飯，跟住等食...一端上枱，大皺眉頭--- 鴨皮色水暗啞，肉雖然係背脊肉，但瘦到成條柴咁，咬一口，好似食緊隔夜油條；燒肉仲離晒譜，甩皮甩骨，肥膏佔全嚿肉四份之三。五花腩不嬲係小弟嘅心頭好，但都覺得心驚膽跳:"使唔使肥得咁誇張?"...肥都唔緊要，但食落口真係覺得油淋淋....恐怖...一口吃下"僅有"嘅皮，確係脆到暈，但就唔係芝蔴皮，欠缺應有嘅質感，絕對唔係小弟杯茶...完全吃唔到炭燒味...唔通我條脷有問題?莫講話水準完全跟太子永合隆及中環龍記差不知幾班，連街邊求其揾間燒味舖我都覺得好過佢哋...三十三大洋? 老實講，我寧願"掉"落鹹水海...