泰和堂涼茶店

Open Now

Now Closed

近日天時暑熱，但係想食返碗冰凍嘅糖水。今次為大家介紹嘅係泰和堂涼茶鋪。泰和堂不單只賣涼茶而且有好多款既中式糖水。最出名就係佢地既蛤蚧大補膏，但係今次食左佢地既滋補養顏芝麻糊。佢哋上甜品嘅速度真係好快！基本上一坐低叫完，唔夠1分鐘，甜品就送去你面前。芝麻糊超級大碗，食得出超級多芝麻。不過食到一嚿嚿既芝麻溶，唔夠滑身，不過$25一碗咁大碗嘅芝麻糊，真係好抵食。小編食咗一半就已經飽到食唔落夜飯。以佢呢個價錢咁大碗嘅芝麻糊，經過路過都不妨試吓，支持一下舊式嘅涼茶舖，依家真係買少見少。