Sahara Mezz Bar (Moved) New Location

Sahara內部裝修充滿摩洛哥風情, 配以風格一致嘅擺設, 加上昏暗燈光, 令呢個色彩鮮豔嘅空間都變得柔和, 正正係呢度嘅氣氛吸引我同朋友收工嚟到chill一chill。呢款沙律係餐廳嘅招牌菜之一, 無花果以糖漿煮腍, 入口軟綿綿, 沙律菜夠新鮮, 爽口清甜, 拌上甜甜酸酸嘅醬汁同芝士, 清新醒胃。以Tagine煮出嘅羊肉, 肉質非常柔軟, 肉汁同配菜互相融和, 以清甜味美嘅肉汁配couscous 兩者可以話係完美嘅組合。 來自黎巴嫩嘅961啤酒, 味道唔太濃, 很易入口。