Video
Read full review
2021-07-26
101 views
聽聞呢間傳統日式居酒屋已經係呢度開業約二十年，中途餐牌都冇轉過，但仍有好多日本人幫襯，一定有佢過人之處！今次就同鐘意食日本菜既朋友一齊黎試下。餐廳環境十分簡約，裝潢十分傳統日式。入座後，店員先送上熱毛巾俾我地清潔雙手，然後再奉上熱茶。豆腐沙律（$65）前菜當然要fresh啲，我地一於揀左呢款清清地既沙律～沙律有唔同材料，全部都好新鮮，食落好有層次。如果可以再多啲沙律汁就更好啦😉雞泡魚干（$95）雞泡魚干燒得好香、好軟，一放落口，就感受到濃濃魚油融於口中既感覺，配酒一流！🍻必試！雜錦魚身（$420）拼盤有多款新鮮厚切魚生，包括：三文魚、吞拿魚、帶子、油甘魚、甜蝦及海膽。最鐘意係帶子，十分鮮甜～🍣自家制牛肉薯餅（$68）薯餅新鮮炸起，熱辣辣就送上枱，要小心熱，慢慢食先得～薯餅外層十分香脆，而內裏就係十分綿密既牛肉薯蓉，牛肉同薯蓉mix得好好，啖啖都可以食到牛肉味！🤤帶子牛油燒（$100）一份有四隻大粒帶子，熱辣辣，充滿濃濃既牛油味，好正👍日式高菜炒飯（$90）呢個都係店員推薦之一，係好傳統既日式主食。炒飯炒得粒粒分明，但又唔會過乾或過鹹，入面仲有唔少配料，包括鹹香既雪菜、白飯魚及白芝麻，好
餐廳環境十分簡約，裝潢十分傳統日式。入座後，店員先送上熱毛巾俾我地清潔雙手，然後再奉上熱茶。
豆腐沙律（$65）
前菜當然要fresh啲，我地一於揀左呢款清清地既沙律～沙律有唔同材料，全部都好新鮮，食落好有層次。如果可以再多啲沙律汁就更好啦😉
雞泡魚干（$95）
雞泡魚干燒得好香、好軟，一放落口，就感受到濃濃魚油融於口中既感覺，配酒一流！🍻必試！
雜錦魚身（$420）
拼盤有多款新鮮厚切魚生，包括：三文魚、吞拿魚、帶子、油甘魚、甜蝦及海膽。最鐘意係帶子，十分鮮甜～🍣
自家制牛肉薯餅（$68）
薯餅新鮮炸起，熱辣辣就送上枱，要小心熱，慢慢食先得～薯餅外層十分香脆，而內裏就係十分綿密既牛肉薯蓉，牛肉同薯蓉mix得好好，啖啖都可以食到牛肉味！🤤
帶子牛油燒（$100）
一份有四隻大粒帶子，熱辣辣，充滿濃濃既牛油味，好正👍
日式高菜炒飯（$90）
呢個都係店員推薦之一，係好傳統既日式主食。炒飯炒得粒粒分明，但又唔會過乾或過鹹，入面仲有唔少配料，包括鹹香既雪菜、白飯魚及白芝麻，好香，味道好傳統，有家既味道😜
食食下都聽到唔少客人講日文，甚至店員會同客人用日文溝通，氛圍唔錯～如果想試返傳純啲既居酒屋，呢間真係可以一試～
Post
