豪華餅店 (Closed)

相信唔少人都知呢間位於九龍城出名歷史悠久嘅舊式麵包店，佢哋除咗有麵包賣，亦有瑞士卷同忌廉蛋糕賣，相信係唔少人回憶。鋪面好細，基本上只係可以for 1個人入去落order, 麵包款式則由櫉窗到一眼睇晒，今日我就買咗花卷。花卷 ＄15花卷一拎上手就感覺到好重同大舊，比想像中重好多，原來係因為佢嘅花卷以牛油蛋糕嗰種質感為主。花卷由朱古力蛋糕、班蘭蛋糕、牛油蛋糕同忌廉組成，可能整體嘅牛油味都比較突出，加上啲忌廉係鹹忌廉，宜家出面比較少有，所以我幾鍾意食。