Mr. Korea BBQ (Moved) New Location

好耐無食韓燒, 同好朋友一齊去左呢間樓上鋪試試, 去到好好彩唔駛等太耐就有座位比我地, 餐廳唔算大, 係較傳統嘅圓枱圓櫈擺設, 所以有啲去左韓國嘅感覺. 本來已經非常肚餓, 一坐低先柯打牛肉拼盤, 有牛舌, 牛肋條, 牛胸肉等等, 牛肉肉質都算唔錯, 配埋生菜同泡菜等前菜一齊食好滿足. 另外仲有碟辣味三花肉, 肉質唔差但就比較單薄, 同埋辣味唔係好夠, 個人覺得一般. 反而叫左杯手工啤酒有香甜嘅果味茉莉花味, 配烤肉不錯. 女侍應亦好有禮貌主動問我地要唔要加添前菜, 整體尚算ok.