美中·鴨子 (Closed)

呢一間美中鴨子係美心旗下嘅餐廳，位於海港城港威商場。每次經過都會有好多人排隊，另外都有唔少旅客食。所以一直都無試過。點知而家有個app可以攞位，所以就一早攞定飛去試吓呢度嘅扁平鴨，睇吓佢係咪真係傳說中咁好食。呢度環境好優雅，仲有露台位。所以我哋二話不說就同侍應講我哋想坐露台位，貪佢夠浪漫。呢度可以望到成個海景，幾有情調。一坐低就即刻叫咗半隻扁平鴨，原來半隻扁平鴨分量唔算好多，另外10片皮俾你夾住啲鴨黎食。扁平鴨嘅外皮都幾香脆，充滿油份，再配合青瓜，蘿蔔同醬汁等配料夾嚟食，感覺好滿足。雖然份量唔多，但因為佢有油份，所以三個女仔分享半隻扁平鴨，都好足夠。另外我哋都食咗生煎包同埋小籠包。小籠包就好普通，冇乜特別。個生煎包都好唔錯，裏面都有肉汁。四川擔擔麵，有濃郁嘅麻醬香味，都幾唔錯，不過份量較少。最後埋單每人＄150，都不過不失啦。