敏華冰廳 (新都會廣場)

Open Now

Now Closed

有日係葵芳附近做完嘢，都接近夜晚8-9點嘅時間，但都係餐廳搵個位食飯都有好多人等位，本身想食旁邊嘅餐廳，但肚餓到連等位嘅時間都唔想等，所以就去咗今日介紹嘅餐廳——敏華冰廳。咁啱依間就唔洗等，同一直有朋友同我講佢地嘅叉蛋飯、蛋撻同菠蘿麵包都係好好味，所以就入咗去試下食。我同朋友就叫咗黯然銷魂飯、豬扒煎雙蛋飯同煎蛋肉醬意粉。個叉蛋飯就真係勁好味，肥瘦均勻，而佢地整岀黎嘅煎蛋都係流心，再加上白飯，其實無得輸。如果黎食依個就大力推介。但另外兩款我個人就覺得普普通通，同一般茶記就無乜分別，所以黎到都係食返叉蛋飯啦但我可能因為夜晚食，蛋撻同菠蘿麵包都賣晒，無得食，如果有下次就會早啲黎試下先。