大公雞 (Closed)

台灣菜好盛行，差唔多好似一有台灣餐廳就會排大隊咁樣，以致好多餐廳都巧立名目，係唔係都用台灣菜來作招牌，但其實食嘅唔係台灣煮法。我今日就去咗呢間「大公雞」，食咗一餐偽台菜。入到餐廳，見到間餐廳除咗職員之外都冇客就知道有啲問題。皮蛋豆腐，台式嘅皮蛋豆腐通常會落醬油膏，但係呢一間嘅竟然用咗胡麻醬，而且個胡麻醬係"稀-nel-nel"嘅，完全唔係嗰回事。台式四寶飯，四寶就係牛筋，牛展，牛肚，大腸，啲肉都鹵得夠入味，但係呢種滷水味唔係台式嘅鹵水味，反而係潮州色嘅鹵水味。咁樣就係潮州菜！而唔係台灣菜！士林半筋半腩麵，牛肉同牛筋都夠淋夠入味，不過真係咸到一個點，而且都唔係台灣嘅味道，仲有個麵真係煮得過淋。(我唔係飲食達人，不過我曾經喺台灣住過一年，唔好呃我)脆炸大腸，完全係港式大排檔嘅味道，不過都唔夠脆亦唔夠香口，完全唔好食。果然，真偽-台灣菜館。