Heima Heima

Open Now

Now Closed

好耐都沒去長洲Hea下，今次趁冬至前夕，就約埋朋友搭船入長洲又玩又食先。入到長洲都11點幾了，人又唔係咁多，又唔係咁肚餓，諗住行陣先食。行吓行吓就行咗去西灣天后廟嗰邊，途中就見到呢間睇個門口就已經覺得好文青的Heima Heima，裝潢唔多，簡約得黎帶有一股恬靜氣息，遠離塵囂令人感到好悠閒舒適。於是就吸引咗我地入去坐了！而入面好有日式家居feel，好似自己屋企咁，涼風輕輕吹着，令人身心感到放鬆。我諗係度食嘢應該幾享受。未係好肚餓的關係，所以每人都只叫了一杯飲品同一款甜品然後大家開心share食。我地分別叫咗Today’s Special的柚子抹茶芝士蛋糕同啤梨杏仁批，同埋檸檬蜂蜜及Mocha。呢個咁靚就係啤梨杏仁批，熱辣辣上枱梨香撲鼻。批邊香甜鬆脆，蛋糕口感厚實帶有香濃的杏仁味，而且啤梨香甜，加上忌廉一齊食，令成個批的味道非常融洽，好食啊。而呢個就係柚子抹茶芝士蛋糕，上面淺黃色的cream係清新怡人的柚子，而下面茶綠色的蛋糕口感就好soft同creamy，每一口都有好濃郁的抹茶香，茶的苦澀味同柚子清甜味非常夾。係咁恬靜的環境下，慢慢咁品嚐啲咁好味的甜品，呢個中午過的好寫意悠閑。