Video
Read full review
2024-09-30
1999 views
平時都好少去大埔，但係最近見到IG有好多人講呢間Cafe咁就過嚟試吓啦。一入到嚟就已經見到個環境勁靚，同埋有好多特別嘅蔬菜，亦都有啲自家製果醬、蜜糖等等售賣。可能我嗰日啱啱好大雨，所以即使週末咖啡店裏面唔係好多人。而且咖啡店入面空間好大樓底好高好適合打卡或者睇吓書、做吓嘢、chill吓。本身朋友想叫卡邦尼意粉，但係我見到側邊嘅人都係叫白酒意粉，而且啲蜆好大粒好吸引。白酒蜆意粉嘅蜆的確非常之大粒，亦都好新鮮意粉，亦都煮得啱啱好，蒜香味好濃，而且非常大份，呢個價錢嚟講比起其他Cafe絕對係非常抵食。至於雜苺法蘭西多士，蛋味香濃，而且裏面好軟熟同外面脆脆地既焦糖2重口感，真係好正。加上佢配合嘅生果酸酸甜甜，減少咗甜膩感。我哋另外再叫咗一份香脆粟米球，一上到嚟就見到兩個巨型嘅粟米球，真係好震撼。呢個粟米球炸得唔會太乾身，只不過如果佢可以做細少少可能會好啲因為真係太大個啦。雖然都唔係話炸得好油膩，但係食到最後真係會有啲厭，冇乜味道上嘅變化。喺飲品方面，愛玉蜂蜜檸檬水做得好出色，檸檬味好香配上蜂蜜嘅甜味同埋愛玉口感同味道都好平均，係一個好適合夏天嘅飲品。呢間Cafe非常之推薦大家週末同一班朋友過嚟
一入到嚟就已經見到個環境勁靚，同埋有好多特別嘅蔬菜，亦都有啲自家製果醬、蜜糖等等售賣。
可能我嗰日啱啱好大雨，所以即使週末咖啡店裏面唔係好多人。而且咖啡店入面空間好大樓底好高好適合打卡或者睇吓書、做吓嘢、chill吓。
本身朋友想叫卡邦尼意粉，但係我見到側邊嘅人都係叫白酒意粉，而且啲蜆好大粒好吸引。白酒蜆意粉嘅蜆的確非常之大粒，亦都好新鮮意粉，亦都煮得啱啱好，蒜香味好濃，而且非常大份，呢個價錢嚟講比起其他Cafe絕對係非常抵食。
至於雜苺法蘭西多士，蛋味香濃，而且裏面好軟熟同外面脆脆地既焦糖2重口感，真係好正。加上佢配合嘅生果酸酸甜甜，減少咗甜膩感。
我哋另外再叫咗一份香脆粟米球，一上到嚟就見到兩個巨型嘅粟米球，真係好震撼。呢個粟米球炸得唔會太乾身，只不過如果佢可以做細少少可能會好啲因為真係太大個啦。雖然都唔係話炸得好油膩，但係食到最後真係會有啲厭，冇乜味道上嘅變化。
喺飲品方面，愛玉蜂蜜檸檬水做得好出色，檸檬味好香配上蜂蜜嘅甜味同埋愛玉口感同味道都好平均，係一個好適合夏天嘅飲品。
呢間Cafe非常之推薦大家週末同一班朋友過嚟，環境同食物都好正好relaxing。食得出餐廳都好用心製作食物，食物都非常高質素，而且比起其他Cafe嚟講佢價錢算相宜，份量亦好大，如果只係兩個女仔嚟嘅話可能叫一份主食已經夠，所以可能嚟多幾次先可以試晒佢嘅嘢，下次有機會一定會再嚟。
Post
