Video
Read full review
2021-10-17
552 views
成個禮拜唔係打風就係落雨，難得今日放晴兼且有啲涼意，一於同老婆兩個人出去 K11 Musea 及海濱長廊行吓影相，順便睇吓有乜好食。中午坐地鐵到尖東站朝住 K11 Musea 行入商場，遇到嘅第一間餐廳就係 Dabpa-Artisan，望下個 Menu 覺得幾有趣，又咁啱有位，就試呢度喇。呢間餐廳開業只有一星期多，店面設計完全唔似一間食京川菜嘅餐廳，門口設計好西式簡約，裡面又似洞穴式裝修，我哋揀左高枱黎坐，感覺幾舒服。坐低慢慢睇吓個餐牌，單點食物選擇好多，二人套餐都有兩款選擇，但因只有90分鐘用膳時間，所以都係選擇 Lunch Set 試吓先，我地叫左個擔擔拌墨汁麵同蟹粉意大利飯，因為真係覺得呢度個㕑好大膽😱一般京川擔擔麵都係用啲辣肉醬料放湯黎食，但係呢度用墨汁麵都係第一次，而裡面仲放左一隻溫泉蛋俾你撈埋黎食，估唔到又幾夾幾好味，確實係有創意👍👍至於個蟹粉意大利飯，我個人就更喜愛，因為本身我係好鍾意食 Risotto ，呢度竟然想到用蟹粉黎做 Risotto 真係幾有驚喜，食落啖啖蟹粉香味，感覺真係好滿足😊午餐包一杯飲料，有茶之餘又可以選擇咖啡，我選嘅咖啡好香好飲，太太嘅 Earl G
呢間餐廳開業只有一星期多，店面設計完全唔似一間食京川菜嘅餐廳，門口設計好西式簡約，裡面又似洞穴式裝修，我哋揀左高枱黎坐，感覺幾舒服。
坐低慢慢睇吓個餐牌，單點食物選擇好多，二人套餐都有兩款選擇，但因只有90分鐘用膳時間，所以都係選擇 Lunch Set 試吓先，我地叫左個擔擔拌墨汁麵同蟹粉意大利飯，因為真係覺得呢度個㕑好大膽😱
一般京川擔擔麵都係用啲辣肉醬料放湯黎食，但係呢度用墨汁麵都係第一次，而裡面仲放左一隻溫泉蛋俾你撈埋黎食，估唔到又幾夾幾好味，確實係有創意👍👍
擔擔墨魚汁麵
22 views
0 likes
0 comments
至於個蟹粉意大利飯，我個人就更喜愛，因為本身我係好鍾意食 Risotto ，呢度竟然想到用蟹粉黎做 Risotto 真係幾有驚喜，食落啖啖蟹粉香味，感覺真係好滿足😊
蟹粉意大利飯
23 views
0 likes
0 comments
午餐包一杯飲料，有茶之餘又可以選擇咖啡，我選嘅咖啡好香好飲，太太嘅 Earl Grey 茶可惜冇用茶包，用茶葉泡飲落去好易飮埋茶葉😂
最後忍唔住叫左位貌似經理嘅人問下，呢度點解啲菜式咁特別，佢介紹原來本身佢哋飲食集團呢個稻城品牌係做中菜，但係呢間新店想試吓加入一啲西方新穎啲烹廚方法融入傳統京川菜，所以就出咗依家個 Menu，另外佢仲攞咗個 iPad 出嚟展示其他菜式圖片，有啲睇落完全唔似我所認識嘅菜名，有啲嘅配搭亦唔係一般餐廳用嘅材料，下次有機會再嚟試吓😄
Post
