山崎麵飽

Open Now

Now Closed

冇乜特別 ，買定麵包諗住肚餓時食，好耐冇幫襯過「山崎麵包」所以就行過去睇下有乜嘢 款式。 真係好耐冇幫襯，一來香港多咗好多其他選擇，二來有一段時間覺得佢哋嘅水準 drop 咗食落去冇乜味道。 好記得當初第一次認識佢係喺荃灣 一個商業中心( 近荃灣地鐵)，當時出嘅麵包好香牛油味好多人喺九龍都特登 喺搭車嘅時候 行去 購買，當時食嘅水準 fantastic ，真係驚為天人。 後來牛油香味淡曬， 麵包嘅口感亦都跌曬 watt ， 所以最後根本唔考慮再幫襯。 今次用咗 22蚊買咗 (有六個)， 真係有啲驚喜口感唔錯喎，真係挽回少少信心，都會繼續再幫襯。 講真比起當初輝煌時間就冇得畀喇不過 而家買就真係幾抵味道絕對 有進步。