歐意餐廳 (Closed)

呢間餐廳啲嘢食真係好好食!我有一日同男朋友去上水去左呢間歐意餐廳食左個Dinner，真係又好食又worth。我order左一份煙肉蛋黃汁闊條麵，佢order一份帆立貝雞扒蛋包飯，$48+$56 total都係104，真係好抵食，同埋都幾大份，女仔既話要食晒都幾勉強，但係男仔既話應該就no problem。我個份闊條麵既plating幾好，夠晒簡約。味道都唔差，啲汁好靚咁沾到每條麵，唔會有食下食下冇味既情況，仲要有好香既奶味。而另一份就係我男朋友既，我試左少少，咖哩好香唔會辣。個蛋包飯既賣相好好，有好多醬係上面，好colorful，同個飯好夾。唯一可惜既係個帆立貝少左啲，但係塊雞扒就好香口，加左好多分。如果下次黎上水我會再一次幫襯佢。